Sot është një ditë e veçantë për lojtarin brazilian të Real Madridit, ngase ai do të luaj ndeshjen e parë në shtëpi si titullar.

Ai tashmë veç ka debutuar si lojtar i Real Madridit në ndeshjen e zhvilluar kundër Deportivos, ndeshje ku u aktivizua për disa minuta, dhe që nga ajo ndeshje duket se e ka zënë një vend të rëndësishëm në mesfushën e Realit. Loja e tij e mirë e ka bindur Ancelottin se ky është lojtari i duhur për ta zëvendësuar Luka Modricin e lënduar.

Derisa të kthehet Modric, mesfusha e Real Madridit do të përbëhet nga treshja Kroos, Isco dhe Silva. Pra braziliani ka arritur që të jetë i zgjedhuri i Ancelottit para Illaramendit dhe Khediras.

Transferi i ri i Realit debutoi me fitore ndaj Deportivos si dhe startoi si titullar në fitoret e Realit si mysafirë ndaj Elche dhe Schalke. Ancelotti si duket e ka vlerësuar lartë punën e brazilianit dhe e ka shpërblyer atë me pozitën e titullarit./arbresh.info/