Janë bërë publike tre të lojtarë më të mirë të sezonit.

Karim Benzema, Kylian Mbappe dhe Leo Messi e përbëjnë listën prej tre më të mirëve, që garojnë për vendin e parë.

Më 27 shkurt në Paris do mbahet ceremonia e ndarjes së çmimit ‘The Best’ dhe disa të tjerave.

Për lojtarin më të mirë të vitit janë në garë tre yje të futbollit.

Karim Benzema, i cili së fundmi fitoi edhe Topin e Artë është në mesin e tyre që janë pretendent për të fituar edhe çmimin ‘The Best’.

Ai ishte më meritori për sukseset e Real Madridit në vitin 2022, ku ata u kurorëzuan me Ligën e Kampionëve dhe La Liga.

Në këtë garë është edhe ylli i Paris Saint Germain, Kylian Mbappe.

Ai përveç që shkëlqeu me ekipin e tij, ishte më i miri edhe me Francën, duke shënuar plot 12 gola në Kampionatin Botëror.

Listës i bashkohet edhe Leo Messi, që ishte vendimtar me Argjentinën, duke ndihmuar ata të triumfojnë në garën më prestigjioze në nivel kombëtaresh Kupa e Botës, Katar 2022.

Të tre këta lojtarë janë në garë për këtë trofe, andaj pritet të jetë një garë e ngushtë.