Liverpooli në çerekfinale, Shaqiri asnjë minutë ndaj Bayernit

22:51 | 13 Mars 2019
Arbresh Info

Xherdan Shaqiri nuk është inkuadruar për asnjë minutë të vetëm në fitoren e Liverpoolit mbrëmjen e sotme (e mërkurë) ndaj Bayernit.

Skuadra e Jurgen Klopp vazhdoi tutje në çerekfinale të Ligës së Kampionëve duke fituar me rezultat 1 me 3, por trajneri gjerman nuk vendosi në fushë yllin kosovar gjatë ndeshjes kundër ish skuadrës së tij për asnjë minutë të vetëm, shkruan portali arbresh.info.

“Redsat” siguruan epërsinë me golin e bukur nga Sadio Mane, por shifrat u barazuan me një autogol nga Joel Matip ende pa përfunduar pjesa e parë e takimit vendimtar në Allianz Arena.

Sidoqoftë, Virgil van Dijk riktheu sërish në avantazh kandidatin për titull në Premierë Ligë para se Mane të gjente portën sërish në fund të ndeshjes për 1 me 3.

Rivali i ardhshëm i “Redasve” do të mësohet pas hedhjes së shortit./arbresh.info/