Liverpool ka marrë një fitore të rëndësishme si mysafir kundër Interit, duke triumfuar 0:1 në “Giuseppe Meazza” në sfidën e xhiros së gjashtë të Ligës së Kampionëve.

Një sfidë me ritëm të lartë dhe me shumë momente tensioni, përfshirë dy ndërhyrje të VAR-it, të cilat ishin vendimtare për ndeshjen, shkruan Arbresh.info.

Skuadra e Cristian Chivut e nisi më mirë takimin me Bastonin, Barellën dhe Thuramin që ushtronin presion të vazhdueshëm, por rastet më të qarta i pati Liverpooli.

Curtis Jones dhe Hugo Ekitike i afrohen golit, por Yann Sommer bëri dy pritje fantastike.

Në minutën e 32-të, Liverpooli duket se kalon në epërsi me golin e Konates, por pas rishikimit me VAR, gjithçka mbeti 0-0, pasi shënimi u anulua.

Ekitike, Gravenberch dhe Szoboszlai rrezikuan sërish për Reds, por Sommer ishte në vend.

Ndërsa Thuram, Barella dhe Dimarco u munduan të krijonin raste për zikaltërit, por pa rrezikuar.

Në minutën e 86-të, ndodh momenti kyç i ndeshjes pas një ndërhyrje në zonë nga Bastoni në Ëirtzin. arbitri Felix Zëayer thirret nga VAR-i dhe pas rishikimit akordon penallti për Liverpoolin.

Dominik Szoboszlai goditi saktë dhe i dha fitoren skuadrës së tij.

Deri në fund pati raste tjera dhe Liverpooli arriti tri pikë të arta në udhëtim e vështirë në Itali. “The Reds” tashmë kanë 12 pikë aq sa ka edhe Interi./Arbresh.info