Liverpool furishëm hyn në garë për Fabian Ruiz, gati 80 milionë euro

19:32 | 22 Mars 2020
Arbresh Info

Liverpool i është bashkuar garës së madhe për shërbimet e mesushorit të Napolit, Fabian Ruiz.

Ruiz është i kërkuar nga Real Madrid dhe Barcelona, por raportimet e fundit kanë zbuluar se edhe “Reds” kanë interesim, transmeton portali arbresh.info.

Kampioni i Evropës është i gatshëm të paguajë vlerën e 80 milionë euro aq sa kërkon klubi italian për kartonin e spanjollit.

Mirëpo, problemi kryesor thuhet se është te lojtari ngase ka spekulime se Ruiz i ka premtuar trajnerit të Realit, Zinedine Zidane se do transferohet në “Santiago Bernabeu” në verën e ardhshme.

Nga ana tjetër, “Napolitanët” janë të gatshëm ta shesin 23-vjeçarin sapo të paguhet vlera e 80 milionë euro.

Ruiz iu bashkua Napolit në vitin 2018 nga Real Betis për 30 milionë euro./arbresh.info.