Ikona e Barcelonës, Lionel Messi ka pranuar në njërën nga videot e fundit të tij se është duke i munguar ish bashkëlojtari i tij në Camp Nou, Neymar.

Braziliani u transferua nga klubi katalunas në Paris Saint Germain gjatë verës për një tarifë prej 222 milionë euro, e cila ishte marrëveshja më e madhe në historinë e futbollit, transmeton portali arbresh.info.

“Mirë, Ney… Unë mendoj se ne gati i kemi thënë gjithçka njëri tjetrit kur ju u larguat”, shpjegoi Messi.

“E vërteta është se ju na mungoni ende. Ne do të donim të ndajmë në mëngjes një pije të nxehtë së bashku me Luisin në dhomën e zhveshjes dhe shumë gjëra të tjera”

“Si gjithmonë, ju urojë më të mirat kudo që jeni dhe jam i sigurt se do të shihemi së shpejti brenda apo jashtë fushës. Keni kujdes për vetën”

Ashtu si Lionel Messi, edhe Neymar është duke shkëlqyer te skuadra e tij dhe tashmë ka shënuar 19 gola brenda të gjitha kompeticioneve./arbresh.info/