Tri ndeshje janë luajtur sot në kuadër të Ligës së Parë të Kosovës në të dyja grupet.

Trepça ka qenë nikoqire e Rilindjes 1974, në grupin A, ndeshjen të cilën e fituan mitrovicasit me rezultat 2-0.

Mitrovicasit vazhdojnë formën e mirë në rrugën drejt inkuadrimit në Superligë.

“Xehetarët” pas kësaj fitore janë në vendin e dytë me 18 pikë, aq sa ka edhe Drenica që është lidere mirëpo ka një ndeshje më pak të zhvilluar.

Kurse në ndeshjet e grupit B, ka ndodhur një befasi.

Liderja e tabelës, Prishtina e Re ka pësuar humbjen e parë të në këtë stinor me rezultat minimal 0-1 nga Flamurtari.

Me po të njëjtin rezultat ka përfunduar edhe ndeshja të cilën Dinamo e fitoi ndaj Ramiz Sadikut.

Pavarësisht humbjes Prishtina e Re është liderë me 21 pikë katër më shumë se Dinamo.

Kujtojmë se Flamurtari ka arkëtuar tre pikët e para këtë edicion, por sërish mbetet në vendin e fundit ./Arbresh.info