Copenhagen dhe Leverkusen kanë luajtur baras në takimin e xhiros së parë të fazës së ligës në Ligën e Kampionëve. Takimi u mbyll me rezultat 2-2, një sfidë ku prodhoi ‘dramë’ në momentet e fundit të ndeshjes.

Ishin danezët që shënuan të parët pas vetëm nëntë minutash lojë me Larssonin, që i dha epërsinë fillestare skuadrës së tij, shkruan Arbresh.info.

Me këtë rezultat u mbyll edhe pjesa e parë, kurse golat tjerë u shënuan në 45 minutëshin e dytë.

Tetë minuta para fundit, Grimaldo me një supergol barazoi shifrat.

Por nuk vonoi shumë dhe danezët u rikthyen në epërsi me golin e Robert në minutën e 87-të. ‘Drama’ arriti kulmin kur në minutën e parë shtesë, Hatzidiakos shënoi në portën e tij dhe i dërgoi shifrat në 2-2.

Deri në fund gola nuk pati, dhe dy skuadrat morën nga një pikë. Copenhagan lojën tjetër luan ndaj Qarabagut në udhëtim kurse Leverkuseni e pret PSV në shtëpi.

Në takimin tjetër, Club Brugge e ‘shkatërroi’ Monacon, ku e mposhti me rezultat 4-1.

Tresoldi në minutën e 32-të i dha epërsinë belgevë. Shtatë minuta më vonë Onyedika realizoi për 2-0.

Kurse në minutën e 43-të, Vanaken shënoi edhe golin e tretë për Bruggen. Skuadra belge nuk u ndal me kaq dhe realizoi edhe golin e katërt në minutën e 75-të, përmes Diakhon.

Krejt çka bëri Monaco ishte shënimi i golit të nderit nga Ansu Fati në minutën e dytë shtesë.

Belgët ndeshjen e ardhshme takohen me Atalantan, teksa Monaco fitoren e parë do ta kërkojë në përballje me Tottenhamin./Arbresh.info