Lenjani: De Biasi realizoi ëndrrën shekullore të shqiptarëve

RENNES, FRANCE - NOVEMBER 14: Head coach of Albania Gianni De Biasi looks on during the international friendly match between France and Albania at Stade de la Route de Lorient stadium on November 14, 2014 in Rennes, France. (Photo by Jean Catuffe/Getty Images)

20:10 | 14 Qershor 2017
Arbresh Info

Epoka e trajnerit Gianni de Biasi te Kombëtarja e Shqipërisë tashmë ka përfunduar.

Trajneri italian i dha fund gjashtë viteve te Kombëtarja e Shqipërisë sot (e mërkurë) duke konfirmuar zyrtarisht largimin nga detyra, shkruan portali arbresh.info.

Mesfushori shqiptar Ermir Lenjani ka përshëndetur Gianni de Biasin duke thënë se është duke u larguar si një hero nga vendi i shqiponjave pas realizimit të ëndrrës shekullore.

“Gianni, pak kush të njohu ty dhe ne futbolliatëve në Shqipëri vite më parë. Sot po largohesh si hero nga vendi i shqiponjave. E realizuam së bashku ëndrrën shekullore të gjithë shqiptarëve duke u kualifikuar në evropian. Faleminderit mister, ti gjithmonë do të jesh njëri nga ne”, ka shkruar Lenjani në profilin e tij zyrtar në Facebook.

Gianni de Biasi shkroi historinë me kualifikimin e Shqipërisë në Kampionatin Evropian 2016./arbresh.info