Neymar është lënduar pas një ore lojë në ndeshjen për Kupë të Francës kundër Strasbourgut mbrëmjen e sotme (e mërkurë).

Sulmuesi i Paris Saint Germain pranoi një top në krahun e majtë kur ngriti dorën duke i dërguar një sinjal trajnerit Thomas Muchel se ishte i lënduar dhe dukej se shpërtheu në lot derisa po largohej nga fusha, transmeton portali arbresh.info.

Neymar çaloi rëndë dhe dukej se kishte dhimbje të madhe në këmbën e tij të djathtë.

Në fillim të kësaj ndeshje, mesfushori Anthony Goncalves kishte kryer një ndërhyrje të rëndë ndaj tij.

PSG do të luajë në udhëtim kundër Manchester United në ndeshjen e tyre të parë në kuadër të xhiros së 1/8-ës në Ligë të Kampionëve më 12 shkurt dhe tashmë kanë probleme edhe me mesfushorin Marco Verratti, gjendja e të cilit nuk është e mirë.

Dy muaj më parë, Neymar ishte larguar nga fusha si pasojë e lëndimit në ijë gjatë ndeshjes miqësore të Brazilit kundër Kamerunit më 20 nëntor./arbresh.info/