Interi dhe Juventusi do të përballen këtë të diel në Derby d’Italia në Giuseppe Meazza, dhe të gjithë sytë do të drejtohen tek dy sulmuesit, Romelu Lukaku dhe Cristiano Ronaldo .

Sidoqoftë, përpara ndeshjes, ish-sulmuesi i Interit dhe Juves, Roberto Boninsegna, ka folur për formën e të dy sulmuesve.

“I vetmi lojtar i Interit që i bëri gjërat të vështira për mbrojtjen e Fiorentinës ishte Romelu Lukaku, i cili sapo ishte kthyer nga lëndimi”, ka thënë fillimisht Boninsegna për Tutto Juve.

“Nga dyshja Lukaku dhe Cristiano Ronaldo, mendoj se Lukaku është një lojtar më vendimtar. Është e padiskutueshme”.

“Cristiano Ronaldo ishte një lojtar i shkëlqyeshëm, por mendoj se ai po bie paksa”.

Boninsegna mund të ketë qenë i impresionuar me Lukaku, por statistikat e këtij sezoni tregojnë se Cristiano është ende njeriu për të mundur.

Ish-ylli i Real Madridit, i cili do të mbushë 36 vjet më 5 shkurt, kryeson listat e shënimeve në Serie A me 15 gola në 13 ndeshje.

Lukaku është i dyti me Ciro Immobilen, pasi kanë shënuar 12 gola në 16 ndeshje.