Në kuadër të përgatitjeve të Përfaqësueses U-21 të Kosovës për kualifikimet e Kampionatit Evropian, sot në Gjilan, u zhvillua një ndeshje kontrolluese kundër Dritës së Gjilanit, raporton Arbresh.info nga ffk-kosova.com.

Pjesa e parë ndonëse ishte e baraspeshuar, futbollistët e Dritës arritën që në minutën e 17-të përmes Florim Berishës të kalojnë në epërsi.

Në vazhdim me gjithë përpjekjet e futbollistëve të ekipit përfaqësues që të barazojnë rezultatin, ishte e kot me gjithë disa gjysmë raste, pasi që mbrojtja vendëse ishte në vendin e duhur.

Pjesa e dytë nisi furishëm nga Përfaqësuesja e Kosovës, por assesi të gjenin rrugën e golit.

Në anën tjetër futbollistët e Dritës në minutën e 58-të përmes Dren  Gashit arritën të dyfishojnë rezultatin në 2:0. Por futbollistët e ekipit përfaqësues vazhduan me lojë të mirë dhe pasime të sakta dhe në minutën e 75-të përmes Almir Ajzerit e zvogëluan epërsinë e gjilanasve në 2:1, që ishte edhe rezultati përfundimtar i kësaj ndeshje. /Arbresh.info