Kosova ka siguruar vetëm barazim në takimin si nikoqir kundër Bullgarisë.

“Dardanët” kanë marrë vetëm një pikë nga takimi i parë debutues në kuadër të eliminatorëve për UEFA Kampionatin Evropian 2020, shkruan portali arbresh.info.

Djelmoshat nën udhëheqjen e Bernard Challandes arritën të rikthehen në lojë gjatë pjesës së dytë pas golit të pësuar në minutat e fundit të fraksionit të parë në stadiumin “Fadil Vokrri”.

Mysafirët shënuan me anë të Vasil Bozhikov që realizoi me kokë, ndërsa golin nga kombëtarja jonë e shënoi në formë spekakolare Arbër Zeneli.

Ylli i Stade Reims me një goditje të bukur jashtë zonës së rreptësisë barazoi gjithçka për 1 me 1.

Përpjekjet nga skuadra jonë të të përmbysur rezultatin nuk munguan, por mungoi konkretizimi i rasteve.

Sidoqoftë, Kosova vazhdon të jetë ende e pamposhtur në 12 ndeshjet e fundit.

Mali i Zi është rivali i ardhshëm për kombëtaren tonë në kuadër të ndeshjeve kualifikuese për Euro 2020./arbresh.info/