Georginio Wijanldum është larguar nga futbolli evropian dhe karrierën do ta vazhdoj në Arabinë Saudite.

Mesfushori holandez është zyrtarizuar nga skuadra arabe Al-Ettifaq ku në krye të saj është trajneri anglez Steven Gerrard.

Nga transferimi i Wijnaldum në Al-Ettifaq, PSG ka fituar shumën e nëntë milionë eurove.

Ndërkohë lojtari i cili ishte i huauzar në vitin e fundit te Roma ka nënshkruar një kontratë tre vjeçare me skuadrën arabe.

Paga e holandezit nuk është zbuluar, por besohet se ai do të marrë në Arabinë Saudite një pagë sezonale prej mbi 10 milionë eurove neto në sezon.

32-vjeçari u kërkua nga skuadrat e vendit të tij si Ajax, Feyenoord dhe PSV Eindhoven, por oferta e arabëve ishte shumë më e lartë.

Te Al-Ettifaq, Wijnaldum do të ribashkohet me ish-kapitenin e tij te Liverpooli, Jordan Henderson. /Telegrafi/

ألواننا تليق بك يا جيني ??⚪#الاتفاق | #فينالدوم_اتفاقي | @GWijnaldum pic.twitter.com/psVrEUK89f

— نادي الاتفاق (@Ettifaq) September 2, 2023