Cristiano Ronaldo thuhet se është vendosur të nënshkruajë një kontratë të re fitimprurëse me Al-Nassr dhe paga e tij është mbresëlënëse.

Ronaldo, 40 vjeç, është ende i fortë pavarësisht se është në dekadën e tij të pestë. Dhe duket se ai do të luajë për të paktën edhe dy sezone të tjera.

Sipas gazetës Marca, ish-ylli i Real Madridit dhe Manchester Unitedit do të zgjasë qëndrimin e tij në Lindjen e Mesme me dy vjet duke nënshkruar një marrëveshje të re dyvjeçare me klubin Al-Nassr.

Gazeta spanjolle raporton se negociatat filluan në muajin janar, por një marrëveshje tani është afër të konfirmohet.

Pra, sa do të fitojë Ronaldo?

Portugezi aktualisht fiton rreth 195 milionë euro në vit nga futbolli, i cili është rritur ndjeshëm nga sipërmarrjet dhe sponsorizimet e ndryshme tregtare/biznesore.

Por, ai mund të vendoset të fitojë një shumë edhe më të madhe në dy vitet e ardhshme.

Marca pretendon se Ronaldo mund të fitojë 400 milionë euro gjatë dy viteve, gjë që do të rriste vlerën e tij neto të vlerësuar prej 800 milion dollarë (935 milionë euro).

Nëse raportet janë të sakta, 40-vjeçari do të marrë 3,294,750 funte (3,849,520 euro) në javë, 469,389 funte (548,424 euro) në ditë, 19,557 funte (22,850 euro) në orë, 325 funte (379.72 euro) në minutë dhe 5 funte (5.84 euro) në sekondë.

Ndryshe, Al-Nassr aktualisht është i treti në Ligën Profesionale të Arabisë Saudite dhe pas liderit Al-Ittihad me tetë pikë pas 27 ndeshjeve të luajtura./Telegrafi/