Kjo është oferta që FSHF i ka bërë Edy Rejës

18:17 | 19 Nëntor 2019
Arbresh.info

Drejtues të FSHF-së dhe Edy Reja kanë pasur një takim ditën e martë, ku kanë biseduar në lidhje me kontratën e re, ku nga të dy palët ka pëlqim për të arritur marrëveshje dhe sa i përket termave financiarë nuk ka asnjë kleçkë pasi janë pajtuar të dyja palët.

Drejtues të FSHF-së i kanë ofruar përzgjedhësit kontratë katërvjeçare, por trajneri ka kërkuar kontratë dyvjeçare duke parë moshën që ai ka.

Italiani ka theksuar se një kontratë katërvjeçare është një risk i madh për t’ia ofruar një 74-vjeçari, bëjnë me dije burime të Top Channel.

Nëse do të ketë marrëveshje, Reja do të përfitojë 300 mijë euro në vit, teksa momentalisht FSHF paguan dy trajnerë, edhe Christian Panuccin, i cili ka marrë edhe ai 25 mijë euro në muaj.

Që në momentin që është angazhuar Reja, federata ka paguar 50 mijë euro në muaj për trajnerët. Kontrata e trajnerëve përfundon ditën e mërkurë.