Kante e pranon se e refuzoi PSG-në

LONDON, ENGLAND - NOVEMBER 09: N'Golo Kante of Chelsea during the Premier League match between Chelsea FC and Crystal Palace at Stamford Bridge on November 9, 2019 in London, United Kingdom. (Photo by Marc Atkins/Getty Images)

14:23 | 4 Mars 2021
A. B.

N’Golo Kante e pranon se e kishte hedhur poshtë mundësinë për t’iu bashkuar Paris Saint-Germainit në kohën kur Thomas Tuchel ishe ende trajner i klubit francez, me të cilin kërkon të korrë sukses tani në Chelsea.

Kante e ka fituar dy herë titullin në Premierligë dhe është njëri prej mesfushorëve më të mirë mbrojtës në futbollin e sotëm.

PSG-ja kishte bërë përpjekje për t’i siguruar shërbimet e tij cilësore kur trajneri gjerman ishte në krye të skuadrës.

I pyetur nga uebsajti zyrtar i Chelseat për interesimin e Tuchel për të në të kaluar, Kante tha: “E di se në të kaluarën kishim kontakte me Paris Saint-Germain kur ai ishte trajner i tyre, por nuk ishte diçka që unë e doja.”

Fituesi i Kupës së Botës shtoi: “Nuk shkova atje sepse isha i lumtur në Chelsea dhe qëndrova këtu. Nuk kam biseduar me Tuchel për këtë”. /Gazeta Express/