Juventusi ka dështuar të fitoj ndaj Villarealit në ndeshjen e dytë të fazës së ligës në Ligën e Kampionëve. Ky takim u mbyll me rezultat 2-2.

Takimi nisi më mirë për vendasit që e mbyllën pjesën e parë në epërsi prej 1-0, me golin e Mikautadze në minutën e 18-të, shkruan Arbresh.info.

Por Juventusi pati tjetër fytyrë në etapën e dytë. Gatti me një gol të bukur barazoi rezultatin në 1-1 në minutën e 59-të.

Kurse Conceicao shtatë minuta më vonë i dha epërsinë ‘Zonjës së Vjetër’.

Kur të gjithë prisnin një triumf të italianëve, në skenë u shfaq Veiga i cili realizoi në minutën e fundit të ndeshjes dhe e dërgoi në ‘delirë’ stadiumin. Ky ishte barazim i dytë i Juventusit.

Ylli i Kosovës, Edon Zhegrova këtë ndeshje nuk u paraqit tek Juventusi. Ai u la në bankë gjatë gjithë ndeshjes nga trajneri.

Skuadra e Igor Tudor pas dy ndeshjeve ka dy pikë kurse Villareali ka një sosh.

Sfidën e radhës biankonerët e luajnë ndaj Real Madridit në udhëtim, kurse Villareali do ta presë në shtëpi Manchester Cityn.