Zinedine Zidane është rikthyer në Real Madrid këtë javë duke zëvendësuar trajnerin e shkarkuar Santiago Solari si dhe duke i dhënë fund spekulimeve rreth rikthimit të Mourinhos.

Portugezi ishte shkarkuar nga Manchester United në dhjetor dhe është përfolur shumë për detyrën në Bernabeu që nga atëherë, por ai beson se klubi ka bërë punën e duhur me thirrjen e Zidanes, transmeton portali arbresh.info.

“Jo, sigurisht se nuk jam i zhgënjyer”, ka thënë Mourinhos për El Chiringuito TV.

“Unë kurrë nuk kam folur nëse dua të rikthehem në pozitë dhe mendoj, sipas mendimit tim, kjo është një zgjedhje perfekte”

“Zidane ka bërë një punë të shkëlqyer te klubi gjatë viteve të kaluara, prandaj është perfekte për të dhe për klubin”

“Tani ai ka një projekt të ri, ai mund të filloj i freskët dhe t’i tregojë të gjithëve se sa i talentuar është, prandaj unë i urojë atij më të mirat”, përfundoi Mourinho./arbresh.info/