“Isha duke luajtur golf me djalin tim”, – Szczesny tregon momentin kur u kontaktua nga Barcelona

17:48 | 14 Prill 2025
D.H

Wojciech Szczesny është kthyer në qendër të vëmendjes pas paraqitjeve fenomenale tek Barcelona.

Portieri polak u rikthye nga pensionimi për t’i ndihmuar Barcelonës pas lëndimit të Marc Andre ter Stegenit dhe këtë po ia del për mrekulli, shkruan Arbresh.info.

Ai ende nuk e ka shijuar humbjen me Blaugranat pas 22 ndeshjeve. Ai ka arritur ta mbaj portën e paprekur për 12 herë.

Në një intervistë para ndeshjes me Dortmundin, ai ka rrëfyer momentin se si erdhi thirrja Barcelona.

“Disa muaj më parë isha në plazh, kur Barça më thirri, isha duke luajtur golf me djalin tim dhe tani po luaj për një nga skuadrat më të mira në Evropë. Do të kishte qenë e pamundur për mua të mendoja për të fituar tituj të mëdhenj pas tërheqjes. Por më pëlqen të fitoj, dua të fitoj”, tha fillimisht ai.

Më tej ai foli edhe për mardhënien e tij me Flick dhe të ardhmen pas rikthimit të portierit gjerman.

“Unë jam këtu për të zëvendësuar ter Stegen dhe për të ndihmuar Barçën. Nëse Flick vendos të mbështetet te Ter Stegen, unë do ta respektoj atë. Ne kemi një marrëdhënie të shkëlqyer”, shtoi më tej polaku.

Barça ndeshjen e radhës e luan nesër me Dortmundin në kuadër të çerekfinales së kthimit.

Shpërndaje në rrjete sociale