Mediumet italiane raportuan të enjten se cka arritur më në fund një marrëveshje me Igor Tudorin për shkëputjen e kontratës.

Trajneri kroat ishte shkarkuar nga drejtuesit e klubit bardhezi në muajin tetor, ndërsa në krye të skuadrës ishte emëruar Luciano Spalletti. Megjithatë, Tudori kishte kontratë të vlefshme deri në vitin 2027, çka e kishte komplikuar ndarjen mes palëve.

Sipas raportimeve, tashmë është gjetur dakordësia dhe Tudori do të jetë i lirë të nënshkruajë me një klub tjetër.

Tudori kishte marrë drejtimin e Juventusit në mars të vitit 2024, duke zëvendësuar Thiago Motën, dhe në fund të sezonit arriti ta kualifikojë skuadrën në Ligën e Kampionëve.

Ish-futbollisti i Juventusit e drejtoi ekipin në gjithsej 24 ndeshje, ku regjistroi 10 fitore, 8 barazime dhe 6 humbje.