E ardhmja e Erling Haaland nuk është aspak e qartë. Sulmuesi i Borussia Dortmund kërkohet nga pothuajse e gjitha elita evropiane, përfshirë Barcelonën dhe Real Madrid.

Por, shëndeti i dobët i agjentit të tij, Mino Raiola e ka ndaluar transferimin e tij të përparojë.

Sipas “Diario AS”, të cilët raportojnë se kanë informacione të shumta në dispozicion për situatën e Raiolës. Ai iu nënshtrua një operacioni më 12 janar në Spitalin “San Raffaele” në Milano dhe me sa duket u shtrua sërish në spital një javë më vonë.

Dortmundi kishte shpresuar se e ardhmja e Haaland do të ishte zgjidhur gjatë pushimit dimëror të Bundesligës, por tashmë është rikthyer dhe nuk ka pasur ndonjë përditësim. Dortmundi dëshiron të dijë qëllimet e Haaland për sezonin e ardhshëm për t’u përgatitur.

Sëmundja e Raiolës ka shkaktuar gjithashtu probleme me marrëveshjen e sponsorizimit për Haaland, duke qenë se ai i dha fund marrëdhënies së tij kontraktuale me Nike në natën e vitit të ri. Puma ka foruar të mbështesë atë për 8 milionë euro në sezon dhe Adidas është gjithashtu në garë./Abresh.info