Mason Greenwood do të vihet nën urdhrat e Roberto De Zerbit.

Anësori sulmues anglez ka arritur marrëveshje me drejtuesit e Olympique Marseille dhe do të nënshkruajë kontratën së shpejti.

Edhe detajet e fundit, raporton “Footmercato”, janë përcaktuar dhe tashmë nuk ka më pengesa mes klubit francez dhe 22-vjeçarit, i cili do të veshë fanellën e OM për pesë vitet e ardhshme.

Ish-xhevahiri i Manchester Unitedtid, i larguar nga “Djajtë e Kuq” pas akuzave për dhunë në familje, duhet të mbërrijë në jug të Francës në orët e ardhshme, përpara se të prezantohet dhe të kryejë fazën parasezonale.

Marseille do të investojë rreth 30 milionë euro në këtë operacion, një shifër e rëndësishme për të sjellë në shtëpi objektivin e parë të madh të merkatos së verës.

Sezonin e kaluar Greenwood luajti në formë huazimi për Getafen. Mes La Ligas dhe Kupës së Mbretit lojtari bëri 36 paraqitje, duke shënuar gjithsej 10 gola plus gjashtë asistime./ss