Gerrard zbulon thirrjet telefonike ‘sekrete’ me Sir Alex Ferguson

13:00 | 12 Maj 2021

Trajneri i Rangers, Steven Gerrard ka zbuluar se ai ka pasur thirrje telefonike “sekrete” me Sir Alex Ferguson, duke pranuar se që kur ka dalë në pension ata kanë lënë anash rivalitetin mes tyre.

Për pjesën më të mirë të 15 viteve, Gerrard dhe Ferguson ishin në konkurrencë të drejtpërdrejtë në Ligën Premier, pasi i pari u bë kapiteni i klubit të Liverpoolit dhe i dyti kërkoi të rrëzonte Reds nga froni dhe ta kthente Manchester Unitedin në klubin më të suksesshëm në Angli.

Ferguson pati sukses para se të dilte në pension në vitin 2013, ndërsa Gerrard u largua nga Liverpool dy vjet më vonë si një ikonë e Anfield dhe u transferua në menaxhim pas një periudhe të shkurtër në MLS me LA Galaxy.

40-vjeçari gradualisht ka krijuar një reputacion si një nga trajnerët e rinj më të mirë në Rangers, dhe tani ka rrëfyer se ka kërkuar këshilla nga kundërshtari i tij i vjetër për punën e brendshme të futbollit Skocez.

“Unë do të tregoj një sekret të vogël: Kam pasur disa biseda me të”, ka thënë fillimisht Gerrard pasi u emërua ‘Menaxher i Vitit’ nga Shoqata e Gazetarëve të Futbollit Skocez.

“Që kur kam dalë në pension, ne kemi lënë anash rivalitetin tonë dhe ai më dha kohë në telefon për të folur rreth shumë gjërave dhe menaxhimin në Rangers”.

“Ai ishte fantastik në ato biseda. Në një moment tjetër, do të doja rastin të ulesha me të dhe të pimë një kafe”.

“Ai është dakord për këtë dhe kjo është fantastike nga këndvështrimi i tij sepse nuk ka pse të më japë kohën e tij, veçanërisht duke qenë një rival, por mendoj se kjo tregon se çfarë lloj njeriu është. Ai nuk është vetëm menaxheri portret të cilin e njohim të gjithë”, përfundoi legjenda e Reds. /Telegrafi/

Shpërndaje në rrjete sociale

Lajmet më të lexuara