Galatasaray e ka fituar bindshëm ndeshjen e parë të play-offit në Ligën e Kampionëve ndaj Juventusit me rezultat 5-2.

Ndeshja nisi mirë për turqit kur në minutën e 15-të realizuan me anë të brazilianite Gabriel Sara, shkruan Arbresh.info.

Një minutë më vonë Koopmeiners barazoi rezultatin. Po i njëjti me një supergol në minutën e 32-të e dërgoi në epërsi Juventusin.

Me këtë rezultat u mbyll edhe pjesa e dytë. Periudha e dytë ishte e jashtëzakonshme për turqit.

Katër minuta pas nisjes së pjesës së dytë, Lang barazoi rezultatin në 2-2.

Kur kaluan një orë lojë, Galatasaray kaloi sërish në epërsi me golin e Sanchezit. Shtatë minuta më vonë Juventusi mbeti me një lojtar më pak në fushë pasi Cabal u ndëshkua me kartonin e dytë të verdhë dhe u përjashtua.

Kjo ndihmoi edhe më shumë skuadrën turke. Në minutën e 75-të, Gallata shënoi edhe golin e katërt me Lang.

Ndërsa katër minuta para fundit, turqit realizuan edhe golin e pestë me anë të Boey.

Futbollisti i kombëtares së Kosovës, Edon Zhegrova nuk u paraqit për Juventusin. Ndeshja e kthimit luhet javën tjetër në Itali, ku Galatasaray është një hap drejt rrethit të 1/8 së finales./Arbresh.info