Bayern Munichut raportohet se i është ofruar mundësi për të nënshkruar gjatë verës me sulmuesin e Manchester Cityt, Gabriel Jesus.

Gjiganti gjerman, i cili regjistroi fitore tronditëse 7 me 2 ndaj Tottenham Hotspurit në Ligë të Kampionëve mbrëmjen e së martës, është përfolur shumë për transferimin e talentit Leroy Sane gjatë merkatos së fundit të transferimeve, transmeton portali arbresh.info.

Një lëndim serioz në gju shoi shanset e Bayernit për të nënshkruar me reprezentuesin gjerman, por bazuar në një raport nga Bild, kampionit të Bundesligas i ishte dhënë mundësia për të nënshkruar me Jesusin nga kampioni i Premierë Ligës.

Megjithatë, raporti pretendon se Bayerni refuzoi nënshkrimin me reprezentuesin brazilian për shkak se ata ishin të vendosur për të siguruar shërbimet e Sanes nga skuadra e Pep Guardiolas.

23-vjeçari besohet se është duke bërë një progres të mirë nga rikuperimi i operacionit në gju ndërkohë që raportet e fundit pretendojnë se ai mund të kthehet në fushë në fazat e fundit të 2020-ës.

Në mungesë të Sanes, Jesus ka shënuar katër herë brenda shtatë paraqitjeve për “Qytetarët” këtë sezon./arbresh.info/