Barcelona e pret nga Camp Nou, skuadrën e Tottenhamit, në ndeshjen e fundit të fazës së grupeve të Ligës së Kampionëve.

Katalunasit e kanë siguruar kalimin tutje dhe pozitën e parë, ndërsa do të luajnë për krenari në këtë përballje.

Në anën tjetër anglezët e kanë shumë të vështirë, pasi për të kaluar tutje iu duhet një fitore.

Ernesto Valverde për këtë ndeshje ka vendosur të bëjë shumë ndryshime.

Lionel Messi dhe Luis Suarez janë pushuar për këtë ndeshje. Valverde i ka futur nga fillimi Dembele, Munir e Coutinho në sulm.

Në anën tjetër Mauricio Pochettino do të startojë me ekipin më të mirë që e ka në dispozicion.

Në mbrojtje do të jenë Alderweireld, Vertonghen, ndërsa sulmi i është besuar Kane me Son, Dele Ali e Eriksen .

Ndeshja zhvillohet në Camp Nou nga 21:00.

Formacionet zyrtare:

Barcelona: Cillessen, Semedo, Lenglet, Vermaelen, Miranda, Rakitic, Aleñà, Arthur, Dembele, Munir, Coutinho.

Tottenham: Lloris, Walker-Peters, Alderweireld, Vertonghen, Rose, Winks, Sissoko, Eriksen, Dele, Son, Kane.