Fillim i tmerrshëm për kampionin e Premierë Ligës (VIDEO)

17:53 | 12 Gusht 2017

Kampioni në fuqi i Premierë Ligë, Chelsea ka nisur në një formë të tmerrshme sezonin 2017/18.

Skuadra e Antonio Conte është mposhtur me rezultat 2 me 3 në ndeshjen si nikoqir në Stamford Bridge kundër Burnley FC, shkruan portali arbresh.info.

“Blutë” mbetën me vetëm dhjetë lojtarë në fushë që nga minuta e 14′, kur kapiteni Gary Cahill u ndëshkua direkt me karton të kuq pas një ndërhyrje të ashpër ndaj Steven Defour.

Burnley shfrytëzoi mungesën e tij duke shënuar tri gola të njëpasnjëshme brenda 20 minutave. Sam Vokes (24′) (43′) dhe Stephen Ward (39′) shënuan ndaj gjigantit anglez në takimin e parë të këtij edicioni.

sam-vokes-burnley

Ish sulmuesi i Real Madridit, Alvaro Morata ngushtoi epërsinë e krijuar nga klubi i Sean Dyches duke shënuar me kokë për 1 me 3 në ndeshjen e tij debutuese para se skuadra e tij e re të mbetej në fushë me vetëm nëntë lojtar pas ndëshkimit të Cesc Fabregasit me kartonin e dytë të verdhë.

David Luiz shënoi për 2 me 3 vetëm dy minuta pa përfunduar koha e rregullt, por “Blutë” nuk arritën t’ia mohojnë fitoren befasuese Burnleyt./arbresh.info

Lajmet më të lexuara