Fazliu dhe Muminoviq e nisin me fitore në Zagreb

12:50 | 1 Maj 2021

Laura Fazliu dhe Erza Muminoviq e kanë nisur me fitore në European Open të xhudos që po mbahet në Zagreb të Kroacisë.

Laura Fazliu e kaloi rundin e parë pa luftë, derisa në atë të dytë u përball me vendasen, Ivana Mandaric.

Fazliu tregoi se synon medalje dhe arriti që të fitojë me ippon, raporton Gazeta Express.

Në rundin tjetër, xhudistja kosovare do të përballet me holandezen, Nadiah Krachten.

Fitore në luftën e saj të parë ka marr edhe Erza Muminoviq.

Ajo e eliminoi që në rrethin e parë spanjollen, Patricia Martin Gallardo.

Në rrethin e dytë, Muminoviq do të ketë punë me rumunen, Elena Stere.

Shpërndaje në rrjete sociale

Lajmet më të lexuara