Familja e Pep Guardiolas i shpëtoi sulmit në Manchester

14:18 | 23 Maj 2017
Arbresh Info

Gruaja dhe dy vajzat e Pep Guardiolas ishin në ‘Manchester Arena’ gjatë sulmit që ndodhi mbrëmjen e kaluar, por fatmirësisht janë larguar nga vendi pa lëndime.

Raportet në Spanjë deklarojnë se gruaja e trajnerit të Manchester Cityt, Cristina Serra dhe dy vajzat e tij, Valentina dhe Maria, ishin të pranishme në koncertin e Ariana Grandes, transmeton portali arbresh.info. Familja e Guardiolas ka shpëtuar pa lëndime trupore nga sulmi i kryer nga ISIS-i, por ato kanë përjetuar një eksperiencë të traumatike.

22 persona, përfshirë fëmijë, janë konfirmuar si të vrarë nga ky sulm derisa 59 të tjerë raportohet se janë të lënduar.

“Jam i tronditur. Nuk mund të besoj çfarë ndodhi sonte. Ngushëllimet e mija më të thella për familjet dhe shokët e atyre që janë prekur”, ka shkruar ish trajneri i Barcelonës në rrjete sociale në lidhje me incidentit./arbresh.info