Futbollisti i kombëtares shqiptare, Ernest Muçi po vazhdon formën e jashtëzakonshme këtë edicion me skuadrën e Trabzonsporit.

Ai përsëri ka qenë protagonist duke shkëlqyer në fitoren 2-4 të Trabzonit në udhëtim tek Basaksehiri në kuadër të Kupës së Turqisë, shkruan Arbresh.info.

Reprezentuesi shqiptar realizoi dy asistime në këtë triumf. Ai dha një topë për Felipe Auguston në minutën e gjashtë për epërsinë 0-1.

Si dhe asistoi tek goli i dytë i barazimit në minutën e 70-të, të cilin e realizoi Esikhellac.

Përveç këtyre dy asistimeve, ai ka edhe tre gola të shënuar në ndeshjet e Kupës së Turqisë.

Ernest Muçi është në formë jetësore para ndeshjes më të rëndësishme në histori të kombëtares së Shqipërisë, atë ndaj Polonisë në kuadër të play-offit për Kupën e Botës.

Mirëpo mbetet të shihet nëse futbollisti i Trabzonsporit do të jetë i ftuar në listën e Sylvinhos për këtë takim.

Në përgjithësi këtë edicion, ai ka luajtur në 26 ndeshje ku ka shënuar 13 gola dhe tetë asistime./Arbresh.info