Bazuar në raportet e fundit nga mediat spanjolle, Juventusi do të përballet me një garë mjaftë të fuqishme për të siguruar shërbimet e superyllit Cristiano Ronaldo.

Juventusi besohet të jetë në një pozitë më të mirë për të nënshkruar me fituesin e pesëfishtë të Topit të Artë, pasi lojtari ka pranuar kushtet e ofruara nga “Zonja e Vjetër” dhe tani ka mbetur vetëm tarifa e transferimit mes Real Madridit dhe Juventusit, transmeton portali arbresh.info.

Megjithatë, ‘Fichajes’ raporton që Juventusi do të përballet me garë për sulmuesin portugez nga kampioni i Gjermanisë – Bayern Munichu si dhe rivalët e Premierë Ligës – Manchester United dhe Manchester City.

Të gjitha këto klube synojnë të shfrytëzojnë avantazhin e çmimit të reduktuar të Ronaldos dhe një luftë e mundshme ofertash pritet të shpërthej.

Edhe pse lojtari besohet se favorizon kalimin në Torino, kërcënimet nga tri skuadrat me klas botëror mund të frikësojnë gjigantin italian./arbresh.info/