Dy nga klubet më të mëdha të Ligës Premier, Liverpooli dhe Manchester Cityt pritet t’i ndryshojnë trajnerët gjatë kësaj vere pasi e ardhmja e Arne Slot dhe Pep Guardiola është në dyshim.

Sipas gazetës spanjolle Diario AS, Xabi Alonso po del si një kandidat i fortë për të marrë drejtimin e Liverpoolit.

Spanjolli ka qenë pa punë që nga shkarkimi i tij nga Real Madridi, ku një sezon i vështirë e pa ekipin të mbetej mbrapa nga shumë gara.

Pavarësisht kritikave për taktikat dhe menaxhimin e tij, ekziston një besim në rritje se problemet e Madridit nuk ishin vetëm për shkak të tij.

Thuhet se Liverpooli po përpiqet më shumë për Alonson, me pasiguri rreth trajnerit aktual Arne Slot dhe një rindërtim të mundshëm në horizont.

Ndërkohë, Manchester City e ka identifikuar tashmë Enzo Marescën si pasardhësin e tyre të preferuar të Pep Guardiolës.

Me Bayern Munich që është vendosur nën drejtimin e Vincent Kompany, rruga duket e hapur për Alonson që të kalojë në Anfield.

Një kalim te Liverpooli mund t’i ofronte atij stabilitet dhe një projekt afatgjatë, diçka që i mungoi gjatë qëndrimit të tij të shkurtër në Madrid. /Telegrafi/