Donte Clark i bashkohet Sigal Prishtinës

19:36 | 29 Janar 2024
D.H

Donke Clark do të jetë lojtari më i ri i Sigal Prishtinës.

Lajmin e ka konfirmuar skuadra e Prishtinës, përmes një postimi në rrjetin social Facebook.

Ai luan në pozitat 2/3 dhe do të jetë zëvendësues i lojtarit Steven Davis i cili u largua para disa kohe nga kryeqytetasit.

Në dy edicionet e fundit, Clark është paraqitur në Ligën e parë të Turqisë me ekipin e Haremspor me një mesatare prej 20.5 pikëve, 6.6 kërcime e 4.6 asiste për rreth 35 ndeshje.

Clark në Turqi më herët ka luajtur edhe për Bornovën e Istanbul Basket, derisa ka përvojë edhe në Hungari, Izrael, Ukrainë e Sllovaki.

Ky është lojtari i katërt i huaj që do të ketë në roster Sigali, pas Wilsonit, Shirkos dhe Davis./Arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm

sq sq