Tashmë është zyrtare, basketbollisti Deondre Burns nuk është më pjesë e Sigal Prishtinës.

Ai është larguar nga klubi kryeqytetas për t’u rikthyet tek Keravnosi në Qipro, shkruan Arbresh.info.

Edhe pse Prishtina nuk ka ende një lajmërim zyrtar për largimin e Burns, skuadra qipriote e ka zyrtarizuar atë përmes një postimi në rrjetin social Facebook.

Amerikani ka luajtur përgjatë periudhës 2021-23 në këtë skuadër.

Burns ndeshjen e fundit me Sigalin e luajti të shtunën ndaj Vëllaznimit të cilën kryeqytetasit e humbën 76-90, mirëpo ai realizoi 23 pikë.

29-vjeçari me kryeqytetasit ka pasur një mesatare prej 18.1 pikëve për lojë.

Organizatori i lojës është lojtari i dytë që u largua brenda pak ditësh nga Prishtina, pasi të njëjtin veprim e bëri edhe Elijah Clarance./Arbresh.info