Ndeshje e zjarrtë u zhvillua në Estadio da Luz mes Benficas dhe Real Madridit në xhiron e fundit të fazës së ligës të Ligës së Kampionëve.

Ishin mbretërit ata që avancuan të parët në ndeshje përmes Mbappes në minutën e 30-të, por avantazhi i tyre zgjati vetëm 6 minuta, kur u barazuan shifrat në minutën 36.

E vendësit kaluan në epërsi në minutën e 5-të të shtesës së pjesës së parë, duke shkuar në pushim me rezultatin 2-1.

Pjesa e dytë filloi si është më së miri për skuadrën e Jose Mourinhos duke shënuar në 9 minutat e para për 3-1.

Mbappe arriti të ngushtonte epërsinë në 3-2 vetëm 4 minuta më pas.

Me këtë rezultat, Reali mbetej në vendin e 9-të, kurse Benfica në të 25-tin, jashtë play-offit.

Krejt çka i duhej portugezëve ishte një gol për të kaluar në play-off.

Dhe këtë arritën ta bënin vetëm në minutën e 98-të kur shënoi portieri i skuadrës.