Trajneri i Manchester Cityt, Pep Guardiola, tha se frikësohet se ekipi i tij do të mbetet i rraskapitur sepse nuk mund të kthehen në shtëpi me aeroplan nga ndeshja e së mërkurës kundër Newcastle United në kuadër të Carabao Cup.

City vizitoi Newcastlen, dhe zakonisht kthimin në shtëpi e bëjnë me aeroplan, por ata do të duhet të bëjnë një udhëtim më të gjatë me autobus sepse, thotë Guardiola, ka një problem me aeroplanin e tyre.

Guardiola tha se ekipi i tij do të duhet të bëjë udhëtim pesë orë e gjysmë me autobus.

Më pas ata do të duhet të udhëtojnë te Wolves të premten për t’u përgatitur për ndeshjen e Premier League të shtunën, raporton Goal.com, transmeton Klankosova.tv.

E në mesjavën tjetër, City do t’i shkojë mysafir Leipzigut në Gjermani në kuadër të Ligës së Kampionëve.

City u eliminua nga Carabao Cup nga Newcastle pas fitores së vendasve me rezultat minimal, 1-0.