Chelsea po përgatit një lëvizje për sulmuesin e Juventusit, Federico Chiesa.

“Calciomecato” raporton se tekniku i skuadrës londineze, Thomas Tuchel është një admirues i sulmuesit dhe mund të mbështetet nga shefjam Marina Granovskaia teksa përpiqet të joshin italianin për transferim në Londër.

Chiesa ra në sy të klubeve të mëdha evropiane gjatë verës pasi bëri disa paraqitje të jashtëzakonshme për Italinë, të cilat e përfshinë atë në formacionin e turneut ndërsa u shpallën kampion duke fituar “EURO 2020”.

Ai admirohet gjerësisht për eksplozivitetin, shkathtësinë dhe aftësinë për të përdorur të dyja këmbët me efikasitet të lartë. Ai ka shënuar tre glola dhe ka asisutar tre herë në 15 ndeshje këtë sezon,

Skuadrat si Bayern Munchen dhe Chelsea kanë treguar interes për Chiesan dhe tani duket se blutë mund të bëjnë lëvizjen e tyre. Skuadra e Tuchel po peshon një lëvizje prej 84 milionë funtesh apo 100 milionë euro për 24-vjeçarin./Arbresh.info