Ministri për Kultur Rini dhe Sport, Hajrulla Çeku ka reaguar pas skandalit të sotëm në Beograd, saktësisht në Kongresin e 59-të të UEFA-s.

Në këtë kongres është larguar flamuri dhe simbolet e Kosovës, shkruan Arbresh.info.

Ndërkohë ministri Çeku e ka quajtur si sulm i drejtpërdrejtë ndaj integritetit shtetëror të Kosovës.

Nëpërmjet një postimi në rrjetin social tutje ai ka thënë se shteti serb nuk ka ndryshuar, është i njëjti që ka kryer masakra e gjenocid.

“Shteti serb nuk ka ndryshuar, është i njëjti që ka kryer masakra e gjenocid para pak dekadash. As atëherë e as sot, nuk e ka kursyer as sportin”, ka shkruar ai ndër të tjera.

Mëtej ai tha se pret edhe sqarime nga UEFA lidhur me këtë çështje.

“Presim sqarime nga UEFA-ja dhe veprime efektive për të adresuar përgjegjësinë për këtë shkelje të rregullave të tyre të brendshme dhe këtë sulm ndaj shtetit të Kosovës”, tha ai.