Albert Bunjaku ka folur pas ndeshjes që Kosova e humbi ndaj Ukrainës në kuadër të kualifikimeve për Kampionatin Botëror “Rusia 2018”.

Përfaqësuesja e Kosovës humbi në shtëpi nga Ukraina me rezultat 2-0 në ndeshjen e zhvilluar në “Loro Boriçi”.

Megjithatë, sipas trajnerit Bunjaku, ekipi i Kosovës bëri një paraqitje të mirë dhe është i kënaqur me angazhimin e futbollistëve.

“Mendoj se patëm paraqitje të mirë duke pasur edhe parasysh kundërshtarin e fortë që kishim përball”, ka thënë fillimisht Bunjaku pas ndeshjes.

“Kundërshtari që patëm [Ukarina] do të shkoj në fazën finale sipas gjitha gjasave”.

“Patëm angazhim maksimal nga të gjithë lojtarët, por është nga një ditë kur nuk ke fatin dhe as kualitetin”.

“Ukraina është një kombëtare me shumë kualitete dhe aty u bë dallimi”.

“Atmosfera në ekip është e mirë, dhe largimi i Dionis Avdijaj nuk luajti aspak rol në këtë, pasi ai shkoi si i lënduar”, përfundoi trajneri i Kosovës.