Portieri i Juventusit, Gianluigi Buffon ka lavdëruar homologun e tij te Real Madridi, Keylor Navasin, për “fuqinë e tij psikologjike”.

Portieri me eksperiencë të gjatë i Zonjës së Vjetër është pyetur rreth portierit të Costa Ricas, i cili ka arritur të jetë numri një i Real Madridit qysh pas arritjes së tij nga Levante në vitin 2014, transmeton portali arbresh.info.

“Ai ka shfaqur shumë fuqi psikologjike”, u ka thënë Buffon gazetarëve para ndeshjes së sotme (e mërkurë) kthyese në UEFA Ligë të Kampionëve në kudër të çerekfinaleve.

“Të qenurit përzgjedhja e parë në një klub të asaj strukture për një periudhë të gjatë nuk është lehtë, ai ka një garë shumë të fortë dhe është e qartë se sa besim kanë shfaqur në të bashkëlojtarët e tij”

Buffon më pas pranoi se ndeshje e sotme mund të jetë e fundit në Ligë të Kampionëve:

“Si një fëmijë më ka pëlqyer ideja për të luajtur ndeshjen time të fundit në Ligë të Kampionëve në Bernabeu kundër Madridit”, ka shtuar portieri legjendar.

/arbresh.info/