Borussia Dortmundi “pranon” ofertën nga Barcelona për Ousmane Dembelen

10:56 | 15 Gusht 2017
Arbresh Info

Borussia Dortmundi ka “pranuar” ofertën prej 100 milionë euro për mesfushorin e shumëkërkuar Ousmane Dembele, por me një kusht.

“Blaugranët” dëshirojnë të zëvendësojnë Neymarin pas transferimit të brazilianit për një tarifë rekorde te Paris Saint Germaini, transmeton portali arbresh.info. Së bashku me Philippe Coutinhon e Liverpoolit, 20-vjeçari është identifikuar si një shënjestër kryesore e trajnerit Ernesto Valverde.

Pasi refuzuan ofertën e mëparshme për yllin francez, duket që Dortmundi përfundimisht ka pranuar një ofertë, të paktën kështu pretendon ‘Sport’. Megjithatë, gazeta spanjolle raporton se këtu ekziston një kusht.

Skuadra në Bundesliga ka kërkuar 30 milionë euro ekstra për performancat e lojtarit. Prandaj, Barcelona mund të përfundoj duke dhënë një shumë edhe më të madhe për ndeshjet, golat, titujt dhe kupat që Dembele fiton./arbresh.info