Belgjika ka siguruar pozitën e tretë në Kampionatin Botëror “Rusia 2018”.

Me fitoren 2 me 0 kundër Anglisë pasditen e sotme (e shtunë), skuadra nën udhëheqjen e Roberto Martinez arriti të regjistroi sërish fitore ndaj “Tre Luanëve” në takimin e zhvilluar në Saint Petersburg, shkruan portali arbresh.info.

Mesfushori Thomas Meunier realizoi golin e epërsisë në fillim të ndeshjes (4′) duke dërguar belgët në avantazh, ndërsa autori i golit të dytë ishte sulmuesi Eden Hazard.

Anglia kishte shans për të barazuar shifrat para golit nga anëtari i Chelseas, por mbrojtja belge u tregua mjaftë e kujdesshme.

Adnan Januzaj, i cili realizoi golin e fitores në takimin në kuadër të grupeve kundër Anglisë, qëndroi gjatë gjithë ndeshjes në bankinë.

Finalja ndërmjet Francës dhe Kroacisë zhvillohet nesër duke filluar nga ora 17:00./arbresh.info/

Shikoni dy golat më poshtë: