Pas përfundimit të gjysmësezonit në basketbollin kosovar, skuadra e Bashkimit ka bërë disa ndryshime në roster.

Gjatë ditës së sotme prizrenasit kanë bërë të ditur se Darko Radulović nuk do të jetë më trajner i skuadrës, shkruan Arbresh.info.

Kurse menjëherë pas njoftimit të largimit të tij, portokallezinjtë kanë njoftuar se Eric Copes do të jetë basketbollisti më i ri i klubit.

Copes luan në pozitën e qendrës dhe ka luajtur edhe sezonin e kaluar tek kjo skuadër.

Po ashtu një tjetër basketbollist, Wendell Gren Jr iu është bashkuar edhe zyrtarisht klubit prizrenas.

Së fundmi Green Jr pati një sezon të shkëlqyer në Superligën e Islandës, me mesatare 23.2 pikë, 5.4 kërcime, dhe 3.4 asistime.

Bashkimi pas 14 ndeshjeve në Superligë është në pozitën e dytë me nëntë fitore e pesë humbje./Arbresh.info