Atletico Madrid-i e ka nisur edicionin e ri në mënyrën më të mirë duke triumfuar ndaj Granada-s me rezultat të thellë 6 – 1.

Vendasit që nga minuta e parë dominuan ndeshjen dhe me plot meritë arkëtuan pikët e plota, shkruan portali arbresh.info.

Ishte Diego Costa në minutën e nëntë pas asistimit së Correa-s, realizoi me kokë për të zhbllokuar rezultatin, me të cilin skuadrat shkuan në pushime.

Dy minuta pasi nisi pjesa e dytë, Correa pranoi një pasim shumë të bukur nga Felix dhe në mënyrën më të mirë të mundshme shënoi në portën e mysafirëve.

Në listën e golashënuesve doli edhe Felix, që pas një asistimi të Costa-s, dribloi një lojtar dhe trefishoi shifrat (65′).

Golin e katër për “Los Rijoblancos” e shënoi Llorente me super gjuajtje në minutën e 73-të, derisa në debutim arriti të shënojë dygola edhe Luis Suarez (86′, 90+4′).

Golin e nderit për mysafirët e realizoi Molina (87′), rezultat me të cilin u mbyll ndeshja.

Pas kësaj fitore, Atletico renditët në pozitën e nëntë me tri pikë, derisa Granada në pozitën e dytë me gjashtë sosh./arbresh.info.

https://twitter.com/BrasilPlaymaker/status/1310229212503183360

https://twitter.com/MCHAWMAR2/status/1310240069995954176

https://twitter.com/UDAdePrimera/status/1310244226148577283

https://twitter.com/MCHAWMAR2/status/1310243513091661825

https://twitter.com/socas/status/1310245951857098752