Manchester United ka siguruar kualifikimin në raundin e pestë të FA Cup me një fitore të lehtë 4 me 0 ndaj Yeovil Town mbrëmjen e sotme (e premte) në ndeshjen e zhvilluar në Huish Park.

Marcus Rashford, Ander Herrera, Jesse Lingard dhe Romelu Lukaku realizuan të gjithë në fitoren e lehtë të Manchester United ndaj kundërshtarit që është pjesë e ligës së dytë, transmeton portali arbresh.info.

Alexis Sanchez gjithashtu asistoi në debutimin e tij pas finalizimit të transferimit nga Arsenali në fillim të javës duke i dhuruar një natë perfekte trajnerit Jose Mourinho, i cili sot ka festuar ditëlindjen e 55-të.

Edhe pse të gjithë kishin sytë nga Alexis Sanchez, ishin të parët mysafirët që rrezikuan portën e “Djajve të Kuq”.

Megjithatë, ata arritën të mbajnë portën e pastër dhe vazhduan dominimin gjatë gjithë ndeshjes./arbresh.info/