Trajneri i Arsenalit, Mikel Arteta, është shfaqur tejet i motivuar në konferencën për shtyp para ndeshjes së kthimit të gjysmëfinales së Ligës së Kampionëve ndaj Atlético Madridit, e cila zhvillohet në “Emirates Stadium”.

Tekniku spanjoll e cilësoi këtë përballje si një moment historik për klubin londinez, duke theksuar se skuadra është e gatshme të japë gjithçka për të siguruar finalen.

Në mënyrë surprizë, Arteta konfirmoi se Martin Odegaard dhe Kai Havertz janë në dispozicion për ndeshjen, pavarësisht se nuk u stërvitën me skuadrën në mëngjes.

“Po, janë të gjithë të gatshëm. Kjo na jep më shumë opsione dhe fleksibilitet. Është një lajm shumë i mirë për ne”, deklaroi Arteta.

Ndeshja mes Arsenalit dhe Atlético Madridit është e barabartë 1-1 nga takimi i parë, ndërsa finalisti i parë i Champions League 2025/26 do të vendoset pikërisht në Londër./Arbresh.info