Mesfushori i Evertonit, Andre Gomes është larguar nga spitali vetëm dy ditë pas lëndimit të tmerrshëm gjatë të cilit theu këmbën.

Reprezentuesi i Portugalisë iu nënshtrua një operacioni të hënën pasi theu këmbën gjatë barazimit 1 me 1 të së dielës kundër Tottenham Hotspurit pas një ndërhyrje të ashpër nga Son Heung-min, transmeton portali arbresh.info.

“Pas operacionit të suksesshëm dje, Andre Gomes tani është liruar nga spitali dhe do të vazhdojë rehabilitimin nën kujdesin e stafit tonë mjekësor”, shkruan klubit në një deklaratë.

Gomes ishte rrëzuar në fushë pas ndërhyrjes nga prapa nga Son, i cili u ndëshkua pastaj me karton të kuq.

Sulmuesi korean ndihej shumë keq me dëmtimin që i shkaktoi Gomesit teksa edhe një numër i madh i lojtarëve të tjerë dukeshin qartë se ishin të tronditur./arbresh.info/

? | Following a successful operation yesterday, Andre Gomes has now been discharged from hospital and will continue his rehabilitation under the care of our medical team. #EFC @aftgomes ? pic.twitter.com/C7stlFguTo

— Everton (@Everton) November 5, 2019