Ancelotti: Leao? Një talent i madh, po të ishte me mua do ta “rrihja” çdo ditë

MANCHESTER, ENGLAND - APRIL 16: Carlo Ancelotti, Head Coach of Real Madrid, smiles during a press conference at the Etihad Stadium on April 16, 2024 in Manchester, England. (Photo by Alex Livesey/Getty Images)

14:00 | 28 Maj 2024
KRG

Në një intervistë të dhënë së fundmi për mediet trajneri i Real Madrid, Carlo Ancelotti ndër të tjera ka folur edhe për ish-klubin e tij Milan-in e në veçanti për sulmuesin kryesor të “Djallit”, Rafael Leao-n.

Italiani theksoi se e ndjek gjithmonë me dashuri skuadrën e “kuqezinjve” të Milanos, teksa sa i përket Leao-s u shpreh se është talent, por ka nevojë të “rrihet”.

“Unë e ndjek skuadrën nga larg, me dashuri. Ne kemi gjetur një Brahim Diaz të jashtëzakonshëm. Milan-i ka një talent të madh si Leao, ai duhet të ulet ndonjëherë. Nëse ai do të ishte me mua, do ta “rrihja” çdo ditë”-u shpreh Ancelloti me një koment të fortë, i cili megjithatë synohet të jetë edhe i përzemërt, thuajse atëror, ndaj një lojtari të madh me cilësi por ende shumë jokonsistent./Ss