Marcos Alonso ka përfunduar në radarin e gjigantit spanjoll, Real Madridit.

Mbretërit kanë humbur nga Atletico Madridi në finale të Superkupës së Evropës me rezultat 4-2 pas vazhdimeve.

Kjo humbje i ka bërë drejtuesit e skuadrës të bëhen të vëmendshëm për organikën e paktë të ekipit dhe të mendojnë për transferimeve.

Sipas mediave të shumta angleze, mbrojtësi i Chelseat, spanjoll Alonso ka përfunduar në listën e dëshirave të klubit mbretëror.

Alonso shihet si një opsion i mirë për krahun e majtë të mbrojtjes pasi jep siguri në fazën mbrojtësi, por edhe në atë sulmuese.

Pas largimit të Theo Hernandez drejt Real Sociedadit, Marcelo ka mbetur i vetëm në krahun e majtë të mbrojtjes.

Mbrojtësi spanjoll edhe në të kaluarën ka qenë i lidhur me Real Madridit, por një lëvizje asnjëherë nuk është materializuar.

Ndryshe, Alonso ka dalë si futbollist nga akademia e klubit nga Santiago Bernabeu, ndërsa tani çmimi i tij në treg është 40 milionë euro. /Telegrafi/